家庭開銷︱婚後AA制用附屬卡買日用品被老公質問　港媽心淡：講到我呃佢錢咁

金錢問題對夫妻關係影響極大，有港媽在網上討論區大呻與老公為錢而爭執，她指老公從沒給家用，平日夫妻會用聯名戶口支付租金、水電煤等大開支，然而當港媽用老公附屬卡購買生活用品，竟被老公埋怨她貪錢，甚至著港媽「唔滿意就搵過第二個老公」。

港媽在「親子王國」討論區發文，她表示自己和老公都有工作，由於老公收入較多，因此兩人在聯名戶口以6比4的比例每月儲錢，家中較大的開支，例如屋租、水電煤、小朋友雜費等都會從這個戶口扣。

最新影片：

用老公附屬卡被質問

港媽表示，老公從沒有給予家用，她買私人物品都是用自己錢，而平日出外吃飯就由老公埋單。然而，有時港媽會用老公的附屬卡買家庭日用品和外賣，卻被老公埋怨為何不用聯名戶口的錢。

我接受唔到所有嘢都同老公AA，佢叫我唔滿意就搵過第二個老公。

她認為，作為老公應該在經濟上比老婆付出多一點去照顧家庭，她自問已跟老公分擔大部分生活開支，以為不用老公養已經算好，沒想到老公仍感到不滿，

佢講到我好似呃佢錢咁，我平時死慳死抵咁同佢捱，佢咁講我真係好心淡。

網民意見兩極

港媽反思，是否自己的問題，並向網民請教有關家庭開銷的分配。帖文引起網民熱論，而網民的意見兩極，有人明白港媽感受，認為事主老公斤斤計較，「我淨係覺得一句得埋嚟叫你搵第二個唔係好ok」、「屋企嘅嘢唔好做！洗衫煮飯買餸每人輪住做！」

不過，有網民卻認為是港媽自己最計較，明明可以用聯名戶口付款，為何要動用老公的私人儲蓄，「有啲嘢你自己要諗埋一邊，其實無人幫到你」、「如果當時唔用卡，用你錢，你ok 嗎？唔使咁急駁我，嘗試在對方角度想一想」、「佢6你4，平時出街食飯又多數佢埋單，佢已經係經濟上付出多咗，如果買屋企嘢同外賣又係碌佢張卡，的確係有啲唔公平」。

有網民則認為，各個家庭收入不同，很難說如何分配家庭開銷，「一家唔知一家事，無對錯亦無得比較」。港媽其後回應，以後再用老公的附屬卡都會先問對方，而且會更堅決實行AA制，即使用附屬卡買外賣，也會PayMe自己外賣錢給對方。

唔想佢再有藉口話我，我唔知咁係咪正常，不過我自己覺得做夫妻做到咁，真係好心淡。

下載HKET App，追蹤TOPick WhatsApp頻道，睇全方位資訊：

【中小學試題免費下載】 【名校專區升學攻略】

【兒童健康百科】 【職場文化智慧】